mércores 27 abril 2016

COMEZA O CAMPIONATO DE ESPAÑA XUVENIL FEMININO



  Onte martes partía a expedición do CV Zalaeta con Autos Cancela, rumbo a Alcobendas, para chegar ás 22:00 á localidade madrileña onde se celebra o CEJF 2016 que hoxe mércores comezaba a competición.



  O equipo do Instituto con Pepe Díaz á fronte como delegado, está formado polas colocadoras Valentina Dorta, María Romero e Claudia Carreja; receptoras Ana Verao, Laura Vázquez, Raquel Rey, Paula Rey; opostas Ana Calvo e Paula Castro; centrais Nerea Tabeayo, Elisa Álvarez e Inés Rivas e líbero Paula Lema. Como primeira adestradora Tania Cobos que contará coa inestimable axuda de María Martínez e Noemí Vázquez.
  Esta mañá primeiro partido, toma de contacto coa competición enfrontándonos en primeira instancia co equipo organizador, Professional Answer Alcobendas, un dos conxuntos favoritos para facerse co título en xogo.
  Primeira derrota das coruñesas nun partido no que o rival non deu oportunidades, xogou mostrando o potencial das súas xogadoras, moitas delas formadas na competición de SF2, e impúxose por un 3-0 con parciais: 25-16; 25-22 e 25-10.
  A pesar de realizar un bo xogo no primeiro set, o Zalaeta caeu cunha diferenza importante para recuperarse no segundo e poñer en dúbida o xogo local, pero sen lograr pechar o set ao seu favor, o que influíu no resultado do terceiro no que as do Instituto xa non puideron manter a concentración e cederon a maior diferenza do partido.
  Simultaneamente, os outros equipos do grupo, Nou Gran Sol Manacor e CD Salesianos Guadalajara, resolvían o seu enfrontamento con un 3-0, con parciais 25-19; 25-14 e 25-17 favorable ás manacorís.

  Ás 18:00 comezaba a segunda xornada, cos enfrontamentos entre Alcobendas e Manacor e CV Zalaeta que se enfrontaba a CD Salesianos de Guadalajara.
Partido complicado, non cabían erros se se querían ter opcións na segunda fase de pasar á rolda dos mellores, había que facerse coa vitoria.
  Comezaba o partido con nervios, tratando de centrarse, o equipo de T. Cobos non atopaba o seu sitio na cancha, custáballes superar ás de Guadalaxara que tamén quería gañar o encontro e dominaban o marcador. O Zalaeta vai por detrás e vese obrigado a remontar un marcador adverso 19-23, consegue o empate e alóngase o set no que finalmente acaban impoñéndose 28-26.       Comezan a crer nas súas posibilidades  e o segundo set domínano vencendo claramente, pero a tensión e o cansazo, pasan factura no terceiro, as de Guadalaxara apertan e non se deixan dominar para poñer o 2-1 no luminoso e poder albiscar o empate que as levaría ao tie break.
 Con todo as coruñesas tíñano claro, non deixarían escapar a súa oportunidade e no cuarto impuxéronse claramente coa maior diferenza do partido logrando unha vitoria que as pon en xogo dentro do grupo A no que se xogarán o pase no partido de mañá ante as das Baleares.


CV ZALAETA 3  CD SALESIANOS GUADALAXARA  1  (28-26; 25-19; 20-25 e 25-8).
 
PROFESSIONAL ANSWER ALCOBENDAS  3  NOU GRAN SOL MANACOR  1   (25-23; 25-27; 25-17 e 25-19).


 Con estes resultados, o Alcobendas ponse con dúas vitorias e encabeza o Grupo A, seguido do Manacor,  en terceira posición o Zalaeta  e en cuarto lugar o Guadalaxara.
  Mañá ás 11:00 Alcobendas Guadalaxara no Luís Buñuel e Zalaeta Manacor no Valdemoro 1. Alcobendas practicamente clasificado, mentres que as coruñesas e as manacorís xóganse o pase nese partido, e quen o gañe ocupará a segunda praza.



luns 25 abril 2016

PREPARACIÓN PARA O CAMPIONATO DE ESPAÑA



  Continúa a preparación de cara o Campionato de España Xuvenil de Alcobendas, e este domingo tocou desprazamento a Lugo para xogar o último partido de preparación ante o outro equipo galego que participa no Campionato, o EMEVE.

  Non foi posible desprazar o equipo completo, pero todas as xogadoras participantes tiveron os seus minutos nun encontro que serviu a ambos os conxuntos para realizar probas e sobre todo para continuar con ritmo de competición e manter a tensión ante un torneo a piques de comezar.
  O Campionato de España comezará o vindeiro mércores 27, e o día 1 de Maio xogaranse as finais.
  A organización corre  a cargo do Club Voleibol Alcobendas e disputarano os mellores 24 equipos do voleibol español, clasificados nas súas respectivas competicións autonómicas. Divididos en 6 grupos de catro equipos, xogarán unha primeira fase nun todos contra todos a unha soa volta, da que os dous primeiros clasificados pasarán á fase que decidirá as posicións do 1 ao 12, e os terceiros e cuartos clasificados decidirán os postos do 13 ao 24.
  As eliminatorias xogaranse nos polideportivos Luís Buñuel e Amaya Valdemoro e as finais no Antela Parada da madrileña localidade de Alcobendas.
  O voleibol galego estará representado polos clubs EMEVE de Lugo e CV Zalaeta da Coruña. As lucenses atópanse encadradas no Grupo F con CV Elxe, CV LogroñoCV Leganés; e o CV Zalaeta disputará a primeira fase no Grupo A con CV Alcobendas, CV Manacor e CD Salesianos Guadalaxara.
  Na xornada inaugural, as do Instituto enfrontaranse ao equipo anfitrión, o Professional Answer Alcobendas ás 11:00 do mércores 27 no Luís Buñuel.


mércores 20 abril 2016

FINAL DO CAMPIONATO GALEGO XUVENIL 2016.



 Celebrábase o domingo a fase final do Campionato Galego  Xuvenil tanto masculino como feminino en Ourense, organizado polos clubs VoleyOurense e BurgasVolei, no que se proclamaron campións en categoría feminina, o EMEVE de Lugo, e en masculina o Dumbría Voleibol.
Claudia Carreja, Paula Castro, Ana Verao, Elisa Álvarez, Inés Rivas, Paula Lema, Noemí Vázquez, Tania Cobos, María Martínez, María Romero, Valentina Dorta, Laura Vázquez, Raquel Rey, Nerea Tabeayo, Paula Rey e Ana Calvo.
   Nunha intensa xornada deportiva na que pola mañá se disputaron as semifinais e pola tarde as finais, viviuse unha autentica festa do volei para goce de todos o público que se deu cita no Paco Paz da cidade das Burgas.
  O CV Zalaeta enfrontábase en primeiro lugar ao VoleyOurense nun partido de prognóstico incerto que comezaba ás 10:00, e que ofrecía ao vencedor o paso á final e unha das dúas prazas para o Campionato de España que ningún dos dous contendentes querían deixar escapar. E o prognóstico funcionou, houbo que esperar ao quinto set para coñecer o equipo gañador, nun partido complicado no que ningún dos dous equipos renunciaba á vitoria. Moi axustados e moi disputados os sets, alternancia no marcador para chegar ao tie break que se resolveu cun 13-15 finalmente favorable ás coruñesas.

 Os nervios fixeron acto de presenza no partido, ambos os contendentes xogábanse o final de tempada. Comeza o Ourense por encima no marcador, pero pronto remontan as visitantes que se fan co primeiro set, o segundo, mais disputado ceden as coruñesas nun axustado marcador para remontar de novo no terceiro  e perder o cuarto no que as locais forzan o tie break.
  Este túa miña que parecía o partido tivo continuidade no set do desempate, cun comezo irresistible o Zalaeta, 1-5, parecía que se impoñería con facilidade, pero cun marcador de 4-11, pareceu atascarse e deixou que o Ourense se atrevése a disputarlle o marcador que finalmente foi para as do instituto.
  A tensión era patente, nervios en ambos os dous contendentes, erros e faltas, pero a  pesar diso, cada equipo foi fiel a si mesmo, a boa defensa do VoleyOurense non foi suficiente nesta ocasión para frear o ataque do Zalaeta, que coa vitoria levou a praza en xogo para o Campionato de España Xuvenil de Alcobendas 2016.

 
 VoleyOurense - CV Zalaeta  1- 3  (19-25; 26-24; 17-25; 25-22 e 13-15).



  Mentres tanto, xogábase a outra semifinal entre o Xuvenil Teis e o EMEVE, que se saldaba con vitoria das lucenses por 3-0, con parciais 25-19; 26-24 e 29-27. Partido moi igualado como se pode apreciar no marcador, a pesar do resultado, no que as de José Valle levaron un triunfo que non resultou nada fácil.


  Pola tarde xogábanse as finais nas que se enfrontaban, polo terceiro e cuarto posto, Xuvenil Teis e VoleyOurense no que se impoñían as de Teis por 3-0 con parciais: 25-20; 25-19 e 25-20.
  A continuación xogábase a final entre EMEVE e o CV Zalaeta no que se impoñían as lucenses cun resultado claro de 3-0 con parciais 25-16; 25-23 e 25-16.
  O equipo de Tania Cobos acusou os cinco sets da mañá e non foi capaz de recuperarse para esta final, custoulle entrar no partido e cando o fixo, xa tiña un set en contra. O segundo foi máis igualado, as coruñesas tentárono, xogaron ben, pero un EMEVE ben situado non lle permitiu o empate. O terceiro un calco do primeiro, o Zalaeta veuse abaixo, cometeu moitos erros e ata contaxiou da súa apatía ao equipo de José Valle, que fixo o xusto para non deixar ir o set e o partido e proclamarse unha vez máis brillante Campión Galego, coa xogadora da canteira lucense Lucía Prol, destacada como Mellor Xogadora do Campionato.


               EMEVE - CV Zalaeta   3-0   (25-16; 25-23 e 25-16)

  Parabéns ás campioas!!




sábado 16 abril 2016

CAMPIONATO GALEGO XUVENIL 2016





  Mañá domingo 17 celebrarase o Campionato Galego Xuvenil no Paco Paz de Ourense, masculino e feminino, en xornada de mañá e tarde. No seu apartado masculino estará organizado polo Burgas Volei mentres que o feminino correrá a cargo do Club Voley Ourense.
  Despois da competición regular os seis primeiros equipos clasificados pasaron á segunda fase divididos en dous grupos de tres dos que os dous primeiros  de cada grupo acceden ao play off que decidirá o Campión Galego e dará paso ao Campionato de España de clubs.
  O Autos Cancela Zalaeta, cuarto na liga con 11 vitorias e 7 derrotas, realizou unha competición irregular, propia dun equipo en construción no que o cambio xeracional fíxose notar e tivo necesidade de adaptar e adaptarse ás novas incorporacións ao persoal. Para iso necesitou practicamente o transcurso da liga regular co obxectivo de meterse na segunda fase que daba opción a xogar por título.
  As 11 vitorias facíanlle acredor da cuarta praza, e a evolución do grupo de xogadoras a cargo da adestradora Tania Cobos poñía de manifesto as intencións de alcanzar o nivel máis alto posible para disputar o triunfo en todos os partidos. Así, a segunda fase realizada polo equipo do Instituto coincidiu co mellor xogo despregado ao longo da tempada, nunha progresión positiva cuxo punto máis alto correspóndese co final da competición, de modo que se mediu co EMEVE, campión da liga regular, repartindo os puntos e logrando un empate no que soamente lles separa un set o que supón a segunda praza do grupo que lle leva a enfrontarse na primeira semifinal co organizador VoleyOurense.

"Para nós a clave, di Tania, está en manter o noso nivel de xogo, a un ritmo alto de ataque, sen baixons nin perder a concentración ante un equipo eminentemente defensivo e que conta cunha boa distribución de xogo. O nivel de xogo do Zalaeta foi de menos a máis ao longo da tempada, e na fase final logramos momentos brillantes de xogo e tamén callado bos partidos, non perder os nervios será fundamental".
 
  O favorito, probablemente EMEVE de Lugo, campión da fase regular e reforzado coas xogadoras da Concentración Permanente Paula Martínez e Alejandra Olalla, sen esquecernos de Lucía Prol, xoven promesa da canteira lucense, pero nunha fase final como esta calquera cousa pode suceder, e as lucenses mídense na semifinal ao Xuvenil Teis, que coas xóvenes xogadoras Sara Urrea e Alicia González, habituais nas convocatorias de SF2 do seu equipo, e a inspiración da colocadora Larrán pode converterse nun rival moi serio.


   En canto á outra semifinal, mídense dous bloques antagónicos, un, o VoleyOurense, eminentemente defensivo, que o soporta todo e non dá nada por perdido que ten na súa colocadora Patricia a xogadora que pode ser clave no xogo do seu equipo, e que se medirá a un Autos Cancela Zalaeta no seu mellor momento da tempada, que se baseará no seu xogo de ataque e na súa consistencia na rede, que contará coa xogadora Paula Castro habitual de SF2 e a receptora Laura Vázquez cadete compoñente da Selección Galega bronce no CESA 2016.
  Nada está escrito, todo é posible, a solución mañá a partir das 10:00 no Paco Paz.

venres 15 abril 2016

DERRADEIRO TRAMO DA COMPETICIÓN



  Achegámonos ao final da competición, as Ligas Galegas entran na súa fase final na que se xogan ascensos e descensos, e entre os primeiros clasificados decídense os campións galegos das diferentes categorías.


  Este é o tramo final da Tempada 2015 - 2016, ao que os equipos e os deportistas chegan no seu mellor momento, e no que o novo formato de competición implantado pola FGVB esta tempada, faino máis competitivo e interesante, aumentando o nº de partidos e potenciando o enfrontamento dos equipos nos seus respectivos niveis.
  Tamén é importante este tramo final porque  é  cando teñen lugar as competicións de Seleccións Autonómicas de Cadetes e Infantís.

  O CESA 2016 celebrouse este ano en Murcia entre os días 30 de Marzo e 2 de Abril coa participación das Seleccións Galegas femininas e masculinas Cadete e Infantís cuns resultados moi positivos como vén sendo habitual nestes campionatos nos que o Voleibol "feito en Galicia" ocupa os postos de privilexio ao longo dos últimos anos. Unha vez máis o equipo cadete feminino alcanzou a terceira posición, e con esta medalla de bronze completa tres anos nos que non se apea do podium cunha medalla de ouro, unha de prata e o actual bronce.    Mentres tanto, os cadetes masculinos facíanse coa cuarta praza despois dun excelente campionato no que cederon ao medalla no último partido ante os anfitrións. En categoría infantil as mozas lograron unha meritoria oitava praza e os mozos facíanse coa décima posición.

   Sinalar que a representación do CV Zalaeta correu a cargo no apartado técnico polos adestradores Cristina G. Bermejo e Fernando Cueto, acompañando ambos os ao vigués Rodolfo Lago a cargo da selección Cadete Feminina, na que milita a receptora do Zalaeta Laura Vázquez, e en categoría Infantil a colocadora Claudia Carreja. Desde aquí felicidades a todos os participante e a FGVB polo traballo realizado.
  No que respecta á competición, os equipos do Instituto continúan loitando en todas as frontes, así o equipo infantil de 1ª Div. finalizou a 2ª Fase como primeiro clasificado no Grupo E, cun total de 5 partidos gañados e 1  perdido e tan só 4 sets en contra. Pasa á seguinte rolda final na que se enfronta ao VoleyOurense a dobre volta na loita pola permanencia, o próximo día 7 de Maio xogarase en Ourense, e o 14 na Coruña.


  Pola súa banda o equipo Cadete de 2ª Div finalizou en terceira posición no seu Grupo B de Promoción con tan só unha vitoria, e medirase na Fase Final, ao Calasancias Coruña o próximo día 7 de Maio con volta o 14 do mesmo mes. 
  O equipo de 1ª Div Senior quedou relegado á terceira praza do seu Grupo A, con tan só unha vitoria que non lle dá acceso ao Play Off da Fase Final do Campionato Galego que se xogará o próximo día 23 de Abril.
 Quen si pasaron foron as xuvenís que se clasificaron en segunda posición do seu Grupo A para empatadas a puntos co primeiro clasificado EMEVE, e que se xogarán o título galego no Play Off ante o VoleyOurense o domingo día 17 de Abril.



xoves 17 marzo 2016

PARTIDOS FIN DE SEMANA, CRUCES DE PROMOCIÓNS


1ª DIVISIÓN SENIOR 2ª FASE GRUPO A 

A.D.XIRIA ASESORÍA CERVANTES  Vs  AUTOS CANCELA ZALAETA   DOMINGO 20, PM VILA DE NOIA 12:00

1ª DIVISIÓN XUVENIL 2ª FASE GRUPO A 

AUTOS CANCELA ZALAETA  Vs  MEL-FROR EMEVE   VENRES  18  P.I. ZALAETA   19:30  

AUTOS CANCELA ZALAETA  Vs  JEALSA BOIRO VOLEIBOL  SÁBADO 19  P.I.ZALAETA  10:30

2ª DIVISIÓN CADETE 2ª FASE GRUPO B DE PROMOCIÓN

C V  ZALAETA   Vs   XAV CAMBADOS    SÁBADO 19  P.I. ZALAETA  12:30


O equipo de División Infantíl, descansa esta fin de semana.
 






luns 14 marzo 2016

COMENZA O CAMPUS DE VOLEIBOL DE ZALAETA


























................................................................................................................................................................


domingo 13 marzo 2016

RESULTADOS LIGA 1ª DIVISIÓN INFANTIL


  Practicamente descanso total do CV Zalaeta este fin de semana no que soamente xogaron a infantís que se desprazaron a Boiro para xogar a terceira xornada da Fase de Promoción Grupo E ante o Jealsa Boiro Voleibol,

   O partido comezaba ás 11:00 dirixido polo colexiado O. Matilla e tivo unha duración de 01h 51m e finalizou cun resultado de 3-2, con parciais, 26-24; 25-18; 19-25; 13-25 e 15-11.

JELASA BOIRO VOLEIBOL: Pimentel, Vidal M., Calvo, Ayelén, Ordoñez, García, Figueira, Calo e Vidal C.
Adestrador, Palacio.

CV ZALAETA: Claudia Carreja, Icía Domínguez, Marga Távara, Alba Otero, Icía Álvarez, Sara Carpintero, Paula torres, Alma Carballeira, Lucía Alonso, Laura Alvedro, Iria González e Lidia Mareque.
 
  Enfrontábanse os dous mellores clasificados do grupo, ambos con dúas vitorias, que trataban de resolver quen sería o líder. Partido moi disputado xa desde o primeiro momento, cun set incial no que as de Zalaeta dominaron o marcador, pero que finalmente o Boiro levou cun axustado 26-24. Esta sería a tónica do partido, as visitantes afrouxaron un pouco no segundo e cederon unha maior diferenza de puntos para recuperarse no terceiro, e no cuarto lograr a maior vantaxe do partido, 13-25.
  Co empate no marcador, o tie break tamén foi moi igualado, con pequenas diferenzas, 7-8 ao cambio de campo, chegamos ao final no que unha boa serie ao saque das de Palacio lles deu o triunfo no set e no partido.
  Bo partido das pupilas de Andrea, que deu entrada a todas as súas xogadoras,  e para a que o seu equipo "estivo ben ao saque a pesar dalgún fallo puntual en momentos nos que non se debía fallar, pero sobre todo destacar o traballo na rede cun bo bloqueo e unha actitude moi positiva en defensa.  O peor estivo en non saber manter a concentración no quinto para poder superar ao rival que tiñamos ao alcance da man". 






mércores 09 marzo 2016

SF2: DERRADEIRAS ESTATÍSTICAS DA TEMPADA 15-16


 


  Finalizada a liga Regular e con ela a competición, o FisiomásZalaeta despídese da tempada da mellor maneira posible, sumando os tres puntos no último derby galego. Tamén asistimos ás últimas estatísticas da liga nas que as xogadoras do Zalaeta xogaron un papel destacado compartindo protagonismo ao longo de toda a tempada tanto no Sete Ideal de cada xornada como nas diferentes clasificacións por especialidades.
  Nesta xornada 18 foi elixida MVP, unha vez máis referendando a boa tempada realizada, a xogadora do Cuesta Piedra, Wanda Banguero no partido que lle daba a clasificación ao seu equipo para entrar no Playoff polo titulo, no que a súa achega resultou crucial para as tinerfeñas, realizou 17 puntos cun 60% de eficacia no ataque.
  Por parte do FisiomásZalaeta, é nesta ocasión a xogadora Alba Quirós a destacada por parte das coruñesas, a súa boa actuación en Teis, o retorno á senda dos puntos convertérona na máxima anotadora do encontro. Con 18 puntos, 14 deles de ataque, 3 Aces e un bloqueo, sitúase como terceira máxima anotadora e atopa un lugar no  Sete Ideal da Xornada, unha clasificación na que xa entrou en catro ocasiones na presente tempada, e con este resultado convértese na máxima anotadora do conxunto herculino.

 Parabéns!!







domingo 06 marzo 2016

RESULTADOS LIGUILLAS AUTONOMICAS


  Desprazamento a Ourense do equipo de 1ª División Senior Autos Cancela Zalaeta para xogar o partido correspondente á segunda xornada da liguiña da 2ª Fase ante o Caldaria VoleyOurense, e que finalizou cun resultado de 3-0 con parciais: 25-16; 25-20 e 27-25. Bo xogo do Zalaeta a pesar do resultado, que deu a cara en todo o partido indo de menos a mais pero sen lograr pechar ao seu favor ningún set. Con este resultado pecha a clasificación do grupo A ao final desta primeira volta á espera de mellorar os resultados nos próximos partidos.
  Xogaron por Autos Cancela Zalaeta: Paula Lema, Noemí Vázquez, Raquel Rey, Ana Verao, Laura Vázquez, Elisa Álvarez, Nerea Tabeayo, Inés Rivas, Valentina Dorta e Ana Calvo.

  
 
  Tamén se desprazaba do equipo de Infantís que se enfrontaba ao Colexio Guillelme Brown na liguiña en que se xoga a permanencia na máxima división da categoría.
  Ás 12:15 comezaba o partido no P. A Carballeira que tivo unha duración de 01h 06m e finalizou cun resultado de 0-3 con parciais 17-25; 10-25 e 21-25.
Unha liga de catro equipos a que se disputa o conxunto de Cristina e na que xa suma dúas vitorias de dous partidos, con nada menos que 6 sets a favor e cero en contra. A próxima xornada toca desprazamento a Boiro, para enfrontarse ao Jealsa e finalizar con iso a primeira volta, co obxectivo de obter un resultado positivo.
  Xogaron por CV Zalaeta: Claudia Carreja, Marga Cárcamo, Alma Carballeira, Sara Carpinteiro, Laura Alvedro, Andrea Alonso, Icía Domínguez, Lídia Mareque, Paula Torres, Icía Álvarez, Alba Otero e Iria González.

 
  No Pavillón do Instituto xogaba o equipo de Cadetes, ás 11:00, o seu partido correspondente á liguiña de promoción Grupo B ante o IES Ames, que finalizou cun resultado de 2-3 con parciais: 25-16; 22-25; 25-19; 23-25 e 11-15.
Bo partido o que realizaron ambos os equipos con alternancia no marcador, no que a clave puido estar no cuarto, set no que as de Ames forzaron o tie break impoñéndose ás do Instituto  cun resultado moi axustado. Xa no quinto, as locais acusaron os nervios, e xogaron unha primeira parte con moitos erros, realizando os seus puntos e as das rivais, para remontar despois do cambio de campo, pero sen lograr impoñerse cedendo un partido que tiñan ao seu favor.
Na próxima xornada recibimos ao EMEVE que con dúas vitorias encabeza provisionalmente a clasificación.
  Por CV Zalaeta xogaron: Lucía Vendrell, Bea Rodríguez,  Mariña Albaiceta, Inés Rúa, María Orro, Cata López, Noelia Vázquez, Salam Fernández, Andrea Rial, Ainhoa Castro e Paula Rey.

 
  Coa primeira xornada aprazada, comezaba hoxe o Autos Cancela Zalaeta a competición da 2ª Fase de categoría xuvenil, encadrado no Grupo A que lle enfrontaba ao Mel Fror EMEVE no Pazo dous Deportes de Lugo. 

   Ás 13:00 deu comezo o partido que finalizou cun resultado de 3-1 con parciais: 14-25; 25-20; 25-6 e 25-12.
  Gran comezo do Zalaeta que se adiantou no marcador impoñéndose claramente ao EMEVE cunha diferenza substancial e un xogo de alto nivel que non deixaba lugar a dúbidas. As lucenses víanse sorprendidas na súa cancha pero responderon no segundo set non deixando xogar tan cómodas ás visitantes, ás que lles custaba superar ao conxunto de Val, e nun set con opcións para ambos os equipos, foron as locais as que finalmente lograron pechar ao seu favor o marcador e empatar o partido.
  Este final a unhas deulles ás, e a outras afundiunas, o EMEVE continuou na súa liña e sen dar opción ás de Coruña impúxose no terceiro set cunha gran diferenza no marcador, nun set no que as visitantes non lograron facer outra cousa que enlazar fallo con fallo, un 25-6 dio todo. No cuarto set tentaron remontar, pero era difícil, en fronte estaba un equipo embalado pola vitoria, melloraron e maquillaron un pouco o resultado, pero as locais levaron os puntos en xogo.
  Tivo dúas caras o partido, unha primeira na que as pupilas de Tania despregaron un xogo excelente, sobre todo no primeiro set, cun gran xogo de ataque e sen erros, pero que logo se estrelaron ante un equipo que logrou controlar a situación antepoñendo unha boa defensa e un grupo moi compenetrado no que sobresaíron os puntos de ataque de Lucía Prol.


  Polo Autos Cancela Zalaeta xogaron:  Raquel Rey, Paula Lema, Paula Castro, Elisa Álvarez, Inés Rivas, Ana Verao,  Valentina Dorta,  Claudia Carreja, Nerea Tabeayo, Laura Vázquez, Ana Calvo e María Romero. 


 
  Tamén xogaron as máis pequenas do club que continúan a súa liga particular no Polideportivo de Monte  dás Moas, onde este fin de semana xogaron as alevíns que xogaron contra Oleiros, nun partido moi rifado e no que a pesar do resultado as do Zalaeta tiveron opcións e realizaron un bo partido. Mágoa, xa estabamos afeitos gañar, pero como nos di a adestradora Patricia, "este fin de semana non puido ser e perdemos contra Oleiros 2-1, nun partido no que xogamos moi ben e foi moi axustado, no último set perdemos 16-14 despois de ter unha bóla de set e punto de partido. Encaixamos así a primeira derrota da tempada".
  O  próximo fin de semana volvemos á competición co equipo benjamín, a súa segunda xornada de liga, nesta ocasión no pavillón de Calasancias. En alevíns enfrontarémonos ao Liceo.
Participaron Andrea Gónzalez, Andrea Alonso, Natalia, Daniela, Lucía Alvedro, Lucía Silva, Stefani e a benjamín Inés
 

 

SF2: XUVENIL TEIS 0 FISIOMÁSZALAETA 3


  Vitoria do Zalaeta no derby galego de SF2 disputado en Teis esta tarde a partir das 18:00.
  Encontro dirixido polo colexiado Diego Soto que tivo unha duración de 01h 26m e finalizou cun resultado de 0-3 con parciais 20-25; 24-26 e 18-25.
 
  
XUVENIL TEIS: Lucía Pérez, Noemí Araujo, Laura Martínez, Alicia González, Carolina Sabido, Rosana Conde, Natalia Fernández, Sara Urrea, Carla Figueroa, Eva Lois, Ania González, e Xulia Larrán.
Adestrador: Celso Veloso

FISIOMÁSZALAETA: Patricia Santos, Cristina G. Bermejo, Alba Quirós, Paula Otero, Andrea Rivas, Olalla G. Taibo, Sheyla Arias, Teresa  Álvarez, Tania Cobos, Susana Suarez e Nóa Sánchez.
Adestradores, Jorge Barrero e Fernando Cueto.

  O Zalaeta álzase co triunfo no último derby da tempada, no partido que pecha a liga Regular e despídese de con outra vitoria, a sexta.
  Bo partido das coruñesas que dominaron desde o comezo e impuxéronse claramente ao colista nun partido no que cometeron poucos erros e roldaron as súas mellores porcentaxes de ataque, un 32%, con soamente 9 erros de saque mellorando as estatísticas doutros partidos. Ben en K1 as xogadoras de Barrero superaron ás de Teis, as cales atoparon a súa mellor faceta de xogo no saque, con soamente 6 erros e 11 puntos directos, pero que penalizaron en ataque cunha baixa porcentaxe do 16%.  Sara Urrea foi a máxima anotadora das locais con 9 puntos, mentres que polas visitantes, Alba Quirós nun bo partido logrou 18 puntos seguida de Andrea Rivas con 10 e 3 bloqueos.
  Finaliza a competición oficial sumando tres novos puntos que en nada modifican a posición na táboa, pero que aproximan ao equipo aos postos medios, onde se atopan o EMEVE con 22 puntos e o UVa con 25. CV Torrelavega en primeira posición e Cuesta Piedra Tenerife en segunda, clasifícanse para o play off de ascenso xunto con DSV San Cugat e Motorsan Guadalaxara Voley do Grupo B.
  Para os demais equipos finaliza a competición oficial, que distribuídos en dous grupos realizan unha liga demasiado breve con escasos alicientes competitivos ao longo da tempada.




  Último partido da tempada para o equipo de Superliga 2, acabamos con vitoria e pechamos así a liga con 20 puntos, exactamente 10 na primeira volta e 10 na segunda. Tivo que chegar a última xornada para que o equipo puidese coñecer a vitoria a domicilio, ante un equipo que tamén está inmerso nun cambio xeracional. O partido puidémolo vivir máis cómodo do que foi, os dous primeiros sets resultan moi parecidos, ata o punto 8 o marcador vai igualado, ata que conseguimos manter un refacho de saque coa que máis que puntuar, obrigamos a devolvernos frees constantemente, o cal nos permite facer punto e coller unha vantaxe cómoda.
  Case todo o partido estivemos por diante no marcador, sinembargo, as xogadoras do Xuvenil, conseguen facernos dano cun saque tenso ao fondo co cal nos puntúan, co que devolven a igualdade ao marcador e obrígannos a pechar uns sets moi igualados. Aínda así, estás refachos do equipo local unidos a algúns fallos nosos, estiveron a piques de darnos un desgusto xa que no segundo set chegamos a ir 18-22 arriba, fallamos o saque nese momento e o marcador tórnase 24-22, cando un fallo dunha dos seus centrais nun balón colgado na rede dános o cambio, salvamos dúas pelotas de set para o Teis, e levámonos o set 24-26.
  O terceiro set foi o máis tranquilo de todos a pesar de que nos custou despegarnos delas, foi un set no que non empezamos finas en ataque, foi un partido con bastantes erros ofensivos nesta faceta pola nosa banda, pero aínda así as locais sufriron un bajón no seu xogo que unido a un par de fallos de saque puntuais nas locais, deixáronnos un camiño fácil para pechar o partido pola vía rápida.  


Fernando Cueto.